Voornemende studente in Ingenieurswese  (óf graad 12-leerders óf aansoekers wat reeds graad 12 voltooi het) wat nie aan al die minimum toelatingsvereistes voldoen nie, en reeds vir Ingenieurswese aan die NWU aansoek gedoen het, word uitgenooi om die Ingenieurstoets af te lê. Om vir die ingenieurstoets genooi te word, moet jy ten minste aan die volgende vereistes voldoen:

  • 60% vir Wiskunde, Fisiese Wetenskap en Afrikaans/Engels
  • 31 APS

 

Wanneer kan jy die Ingenieurstoets aflê?

Dit is vir ons aangenaam om aan te kondig dat ons ingenieurstoets aanlyn geskryf kan word vir julle veiligheid. Die aanlyntoetse is beskikbaar vanaf die 3de Julie. 
Jy mag die toets by jou huis skryf, of by die skool of polisiestasie of enige plek waar jy `n rekenaar kan reël. Jy mag enige staanrekenaar of skootrekenaar gebruik indien jy die volgende kan verseker:
 
  1. `n stil kamer – nie jy of enige iemand anders mag in of uit beweeg nie,
  2. `n stabiele netwerk,
  3. `n web-kamera,
  4. genoeg data (ten minste 5 GB), en
  5. 'n selfoon met data.
Daar is `n beperkte aantal plekke beskikbaar. Die toets kan in die oggend of in die middag geskryf word op spesifieke dae. Maak voorsiening dat jy vir ten minste 3 ure kan besig wees.
Die wyse waarop die toets afgeneem sal word, sal per e-pos aan jou gekommunikeer word. 
 

Registreer hier aanlyn vir die Ingenieurstoets

Rig navrae aan Sonette Becker by (018) 299 1318 of via e-pos by sonette.becker@nwu.ac.za.