• Meganiese ingenieurs is betrokke by die ontwikkeling, vervaardiging, bestuur en instandhouding van vervoer-, energie-omskakelings-, vervaardigings-, generator-, wapen-, verkoeling- en verhittingstelsels, asook bedryfsinstallasies, prosestoerusting, vervaardigingsmasjinerie en mynboutoerusting.
  • Ons BIng-program in Meganiese Ingenieurswese word by hierdie skool aangebied.
  • Studente mag hulle program tydens hulle studies net met die toestemming van die betrokke skooldirekteur verander.
  • Toelating tot die BIng-graad in Meganiese Ingenieurswese vereis volle matrikulasievrystelling, met ’n TPT-telling van ten minste 31, Wiskunde vlak 6 (70–79%) en Fisiese Wetenskappe vlak 5 (60–69%). Die taalvereiste is ’n slaagpunt op vlak 5 (60–69%) in die taal van onderrig in óf die huistaal of eerste addisionele taal. Die vereistes is op beide die NSS en die IEB van toepassing.
  • Minimum toelatingsvereistes vir aansoekers met internasionale kurrikulums:

* Addisionele kriteria:’n Aansoeker sal oorweeg word deur middel van ’n keuringsprosedure wat die O-vlakuitslae en die ingenieurstoetsresultate insluit.

Die belangrikste professionele liggame wat by die skool betrokke is, sluit in:

  •  Die Ingenieursraad van Suid-Afrika (IRSA).
  •  Die Suid-Afrikaanse Instituut vir Meganiese Ingenieurswese (SAIMechE).
  • Ander professionele liggame waarby verskillende akademiese personeellede by ons skool betrokke is.

As ’n meganiese ingenieur sal jy in Suid-Afrika of in die buiteland in die volgende bedrywe werk:

  •   Vervaardiging
  •   Aërodinamika
  •   Energietegnologie
  •   Kragopwekking
  •   Instandhouding van stelsels
  •   Robotika
  •   Uitleg en bestuur van aanlegte
  •   Voedselverwerkingsaanlegte