Vanjaar is die tweede jaar van die Modiragatsi-kompetisie, waar ons jong innoveerders uitnooi om in te skryf vir ons ontwerpkompetisie. Al die deelnemers ontvang 'n goodie bag en mentorskap. Die wenner van Modiragatsi wen 'n groot prys wat binnekort bepaal sal word.
 

Die Modiragatsi-kompetisie is ʼn innoverende kompetisie vir Suid-Afrikaanse meisies tussen 16 en 18 jaar oud, aangebied deur die NWU se Fakulteit Ingenieurswese. Dit is ʼn geborgde Vroue in Ingenieurswese-inisiatief wat jong meisies wil aanmoedig om by die ontwerp- en vervaardigingsbedryf betrokke te raak; gevolglik is die kompetisie slegs oop vir vroulike deelnemers.

As jy wil registreer vir die kompesitisie, kliek hier.

In die lig van die onlangse gebeure en onsekerheid as gevolg van die COVID-19-pandemie, is die sperdatum van die Modiragatsi Innovation-kompetisie tot 31Julie 2020 verleng.

Hoe om in te skryf

Individue of spanne (bestaande uit twee meisies) moet ʼn probleem identifiseer en met innoverende oplossings vir die probleem vorendag kom. Hulle maak van beskikbare materiaal gebruik om ʼn prototipe te bou, en doen die nodige toetse. Die hele probleembeskrywing, ontwerpdenke, prototipering, toetsing en ontleding moet dan ingedien word in die vorm van ʼn opsomming van 200-250 woorde, vergesel van ʼn 2 min-video / 20 skyfies.

 

Kompetisiedatums

  • Inskrywings sluit middernag op Vrydag, 31 Julie 2020.

Kompetisiereëls

  • Inskrywings kan individueel of in spanne van 2 wees.
  • Deelnemers moet vroulik wees.
  • Deelnemers moet Suid-Afrikaanse burgers wees.
  • Ten minste een spanlid moet Wiskunde en Fisiese Wetenskap as skoolvakke hê.
  • Die meisies se ouers of wettige voogde moet skriftelik toestemming gee vir hul deelname aan die kompetisie en al die gepaardgaande aktiwiteite.
  • Die NWU kan nie verantwoordelik gehou word vir die gevolge van enige toetse wat deur die deelnemers gedoen word nie.

Bykomende Inligting

Maak asseblief seker dat jy onderstaande dokumente gelees en voltooi het:

  1. Projekoorsig
  2. Inligtingsblad
  3. Vrywaring en mediavrystelling